TU AGAR SAATH....

Tu Agar Saath mein hota to achcha hota,

Tu Agar Khwaab na hota to achcha hota...

Mai sochta hun tujhe din mein, apni raaton mein,

Tu Agar saamne aa jataa to achcha hota...

Poochhte hain log mujhse tere baare mein,

Mai Agar unko bata paata to achcha hota...

Pal do Pal ko sahi, mile the jahaan hum tum,
Duniya wahin pe basa paata to achcha hota...


Chaha hai maine tujhko jitni shiddat se,
Tu Agar mujhse jataata to achcha hota...


Seh raha hun kabse is jahaan ke gham,
Tu Agar baantney aa jaata to achcha hota...

Jo Chaahat hoti hai "Varun", poori kahaan hoti hai,

Par tu mujhe mil jaata to achcha hota...

---------- ---------- ---------- ---------- ----------