Zunoon ki raah

Zunoon ki raah mein iss dil ko behlaana bhi mushkil hai,

Ke jaise mauj ko saahil se bhatkaana bhi mushkil hai.

Dikhai de jo, Go har cheez woh sach ho nahin sakti,

Miraaz-e-sehraa ka pyasey ko samajh_aana bhi mushkil hai.

Banaawat hai jo Dunia mein kuch iss tarah se Mauzood,

Nihaan hai ya ke Zaahir hai, yeh tay karna bhi mushkil hai.

Tasavuur khud-ba-khud unka yun aata hai reh reh kar,

Unhein paana bhi mushkil tha, ab bhulana bhi mushkil hai.

Wohi hai shaam ka daaman, wohi hai raat ki chaadar,

magar iss dil ko bin tere, karaar aana bhi mushkil hai.

padhta hun “Varun” jab apne Kitaab-maazi ke auraaq,

Kuch safhe ba_koshish samajh paana bhi mushkil hai. 


---------- ---------- ---------- ---------- ----------